Jeremiah 7
Biakna Zuau in Man Nei Lo
1Jeremiah tunga tung TOPA thu hih ahi hi: 2“TOPA inn kongpi ah ding inla hih thupuak tangko in: a “‘TOPA bia dingin kongkhak tawna pai Judah mite khempeuh aw, TOPA kammal ngai un. 3Hih in Israel-te Pasian Thahatpen TOPA gen ahi hi: Na lampi uh le na gamtat uh puahpha un, tua hileh note hih munah kong tengsak ding hi. 4“Hih in TOPA biakinnpi ahi hi, TOPA biakinnpi ahi hi, TOPA biakinnpi ahi hi!” a kici zuau kammalte muang kei un. 5Na lampite uh le na gamtatnate uh na khek takpi uh a, khat le khat thutanga na kizop uh leh, 6pemtate, pa nei lote le meigongte nuainet loin hih munah mawhpengte sisan na luansak kei uh a, note siat nadingin pasian dangte nung na zuih kei uh leh, 7na pute uh tungah a neih tawntung dingun ka piaksa hih gam sung, hih mun kong tungsak ding hi. 8Ahi hangin en un, kimanna a nei lo zuau kammalte na muang uh hi. b 9 “Note guta in, tual thatin, angkawmin, ▼▼7.9 Ahikeh a man lo pasiante in kiciam
ahi lopi-in kiciamin, Baal tungah meihal biakna pia-in, na theih loh uh pasiante nung zui-in, 10tua ciangin ka Min kilawhna hih inn sung ka mai-ah dingin,”Ka suakta uh hi,” na cih khit uh ciangin - na suahtakna uh ahi hih a kihhuainate mah sem kik ding na hi uh hiam? 11Ka Min kilawhna hih inn, guta buluhte’ kua suak khin ahi hiam? Ahi hangin kong mu gige hi! TOPA in cikhia hi. 12 “‘Tu-in ka Min ten nadinga ka bawl masakpenna mun Shiloh ah pai unla, ka mi Israel-te gitlohna hanga ka hihte va en dih un. 13Hih nate khempeuh na hih laitak mah un TOPA in kong geninah: Note tungah kong gen kikkik hangin na ngai nuam kei uh a; kong sap hangin nong dawng nuam kei uh hi. 14Tua ahi ciangin ka Min-a kilo innkuante tung, na muan uh biakinnpi tung le note le na pate uh kong piaksa mun ah, Shiloh a ka hih mah ka hih ding hi. 15Ephraim mi na sanggamte khempeuh uh tunga ka hih bangin ka muhna panin note kong sawnpai ding hi,’ ci hi. d 16 “Tua hi-a na thugen ngai lo ding ka hi manin hih mite ading thu ngetsak kei inla amau ading ngetna le ngetsakna bawl kei in. 17Judah khuapite le Jerusalem kongzingte a, amau nasep mu lo na hi hiam? 18Naupangte in sing tom uh a, papite in mei tawhin nupite in, Van Kumpinu ading anlum moh bawl nadingin anneel mekman uh hi. Kei hong hehsak nadingun, pasian dangte tungah dawntheih biakna a sung uh hi. 19Ahi hangin a hehsakpa uh kei ka hi hiam?” TOPA in cikhia hi. Amaute maizum nadingin amau le amau a kiliamsuah uh hizaw lo ahi hiam? e 20 “Tua ahi ciangin Thupipen TOPA gen hih ahi hi: Ka hehna le ka thangpaihna hih muna mihing tung le ganhing tung, lolai-a singkungte le leilaka singgahte tungah ka sungkhia dinga kangin a kiphelh zo kei ding hi. f 21 “‘Israel-te Pasian Thahatpen TOPA gen hih ahi hi: Madawk inla, biakpiakna dangte tawh meihal biakna gawmin a sate nomau ne lel un! 22Ahang in, na pute uh Egypt pan ka paikhiatpih huna ka hopih lai-in meihal biaknate le kithoih ding thu ka pia kei a, 23ahi hangin amaute tungah: Ka thu hong mang un, keimah note Pasian ka hi dinga note keima mite na hi ding uh hi. Note na nopsak theih nadingun kong thupiaknate khempeuh zui un, ci-in thu ka pia hi. 24Amaute in ngai lo uh a zong a thusim kei uh hi; tua sangsikin amau gitlohna lungsim khauh lamah a awn zawsop uh hi. Amaute mainawt loin a nungkin uh hi. 25Na pute un Egypt a nusiat huna kipan tu ciang dong, ni khat khit ni khat ka nasem kamsangte kong sawl kikkik hi. 26Ahi hangin amaute in ka thu ngai lo uh a, zong hong thusim kei uh hi. Amaute a ngawng uh khauh a, a pute uh sangin a siazaw-in gamta uh hi,’ ci hi. g 27 “Amaute tungah hihte khempeuh na gen ciangin na thu a ngai kei ding uh hi; amaute na sap ciangin hong dawng lo ding uh hi. 28Tua ahi ciangin amaute kiangah, ‘Hih in TOPA ama Pasian thu mang loin a kipuahpha nuam lo minam ahi hi. Thutak mangthang khin a, a kamun zong a genkhia nawn kei uh hi. 29Na sam uh metkhia unla paimang un; TOPA in hih khang mite nolhin a thangpaihna nuai-ah cimawhsak ahi manin munsang tungah kahto-in taamlo un. Kigawhna Kuam
30 “‘Judah mite ka mitmuhin a hoih loin gamta uh hi, TOPA in cikhia hi. Amaute in ka Min kilawhna inn sungah a kihhuai a milimte uh koih uh a, a ninsak uh hi. 31Amaute in Ben Hinnom Kuam sungah a tanu a tapate uh mei-a hal nading - ka sawl loh, ka ngaihsut khak beek loh Topheth munsangte a bawl uh hi. 32Tua ahi ciangin TOPA in cikhia hi: Na kidawm un, Topheth ah misi vui nading mun a om nawn loh dongin amaute in vui ding uh ahi manin mite in tua mun Topheth ahikeh Ben Hinnom Kuam ci nawn loin, Kigawhna Kuam a cih hun hong tung ding hi. 33Tua ciangin amaute misiluangte vana vasate le leitunga gamsate’ an suak dinga, tuate kuamah in a bengkhia kei ding hi. 34Tua gam kinusia ding ahi manin Judah khuapite le Jerusalem kongzingte ah lungdamna le lungkimna aw, mothaknu le zi neipa’ awte ka beisak ding hi. h
Copyright information for
ZomZIV